Har du nokon gong lurt på korleis eple frå Hardanger blir til eplejuice frå Hardanger? Det gjorde vi, og enda på Hardanger Saft, staden der fruktbøndene leverer epla etter innhaustinga.

Kvifor smakar epla annleis i Hardanger? Det er det mange som har spurt seg. Det spesielle jordsmonnet, det kjølige klimaet med mykje sol i vekstsesongen får mykje av æra.

Med ein familie som har drive med epledyrking i over 200 år, veit Magnus Opedal det som er verdt å vite om dyrking og pitling (plukking) av Hardanger-eple.