Januar er tid for tur for oss i eplebloggen! Og anten vi går langt eller kort, på beina eller til fots, akar eller går på skøyter, gjeld det å ha provianten i orden.

Det overraskar deg kanskje ikkje at oppskriftene våre er baserte på … nettopp, eple?

Bålbakt eple

Ein herleg og lun liten rett som smakar ekstra godt ute rundt bålet!

Du treng:

eple
smør
sukker
rosiner
aluminiumsfolie

Slik gjer du:

Skjer av toppen på eplet og ta ut kjernen. Så fyller du det med ei blanding av kanel, sukker, rosiner og litt smør.

Til slutt set du lokket tilbake på plass, har litt smør utanpå og pakkar eplet inn i aluminiumsfolie. Legg eplet i glørne på bålet i ti minutts tid og nyt!

Smakar ekstra godt med vaniljekesam til! Hugs i så fall skei i sekken.

PS: Ein annan fyllvariant til det bålbakte eplet kan vere kokesjokolade og banan.

Tørka epleskiver

Desse tørka godbitane eignar seg perfekt til rasteknask!

Du treng:

eple
steikjeomn

Slik gjer du:

Fjern kjernehuset, skjer epla i passelege skiver og legg dei over ei rist i steikjeomnen ved 70 grader i ein times tid.

Eplebåtar

Du treng:

eple
sukker
kanel

Dette er ein endå enklare variant som du lagar på ein, to, tre:

Skjer eple i båtar, ha på kanel og sukker og ha det i ein boks. Enkelt og veldig godt!

Riktig god tur!

Kari Fjugstad Giske rima seg rett inn i hjarta til juryen, og blei dermed vinnaren av Sei di meining-konkurransa i desember.

Januar blir siste månad for konkurransen så langt, så hugs å sende inn ditt bidrag i løpet av dei nærmaste ukene! Da kan det bli du som stikk av med dei 10.000 premiekronene.

Juryen lét seg imponere av både spennvidda og kløkta i vinnarbidraget, og her kan du sjå sjølv:

Dei tyt og masar om Monstermaster

men eg skjønar ikkje kva som hastar

I Hardanger har me jo epletre 
og dei er høge som berre det

Me må ha straum seier dei som masar

då skulle dei smakt eit eple som knasar

så saften sprutar som den flottaste straum

det er heilt sant – det er ingen draum

Me må ha straum, seier dei som tyt

dei har ikkje skjønt det – dei som syt

For eplejuicen kan nyttast til alt

når det er varmt og når det er kaldt

Sunnivas eplejuice frå Hardanger

kan brukast til alt mangfoldige ganger

Kva skal du med straum dersom du frys

På vedomnen varmar du eplejuice

Reis ikkje med elbil når du skal på hytta

ta eplejuicebilen, den gjer nok nytta

For Sunniva den er utruleg bra

ja denne juicen bør alle ha

Så slutt å mas om Monstermaster

trykk heller på nokre PCtaster

Sjekk eplebloggen på internett

så skjønar du at me andre har rett

For straum har me nok av og straum vil me ha

Men eplejuicestraumen er ekstra bra

Den skaffar deg varme på kalde dagar

og er iskald i varme sommarhagar

Den brukast til kvardag, den brukast til fest

til julegløgg og til sommargjest

I konfirmasjon, i bryllaup, i dåp

i bursdag, på julebord finnes eit håp

om at Sunnivas eplejuice står på menyen

for den er den beste drikken i byen

og også på landsbygda er den best

Så då er alle klare til fest

Me stemmer nei til Monstermaster

ja masteideen den tek me og kastar

For epletrea vil me heller ha

For Sunniva eplejuice me ropar “Hurra”

Vel overstått julefeiring og velkommen tilbake til eplebloggen! Kåringa av desembervinnaren av Sei di meining er rett om hjørnet, og juryen har igjen kost seg med alle dei flotte bidraga. Tusen takk!